Presidenti turk Rexhep Tajip Erdogan deklaroi se vendi do të vazhdojë të punojë në ndërtimin e paqes, prosperitetit dhe stabilitetit në të gjithë rajonin dhe tha se të gjithë ata që i afrohen Turqisë me sinqeritet do të gjejnë vullnet të mirë, ndërsa ata që do ta provojnë të kundërtën do të marrin një përgjigje adekuate.
Presidenti Erdogan iu drejtua pjesëmarrësve në ceremoninë e dhënies së Medaljes Shtetërore të Meritës, njohja e dytë më e lartë civile shtetërore e Turqisë, e cila iu dha familjeve të dëshmorëve turq dhe gazistëve turq.
“Sigurisht, këto medalje dhe çertifikata nuk janë të mjaftueshme falënderime për të gjithë sakrificën që keni bërë. Eshtë e pamundur të vlerësosh dhe përcaktosh dëmshpërblimin për luftën e drejtuar nga një njeri i cili është i gatshëm të japë jetën në atë luftë,” tha Erdogan.
Ai gjithashtu tha se njerëzit kanë jetuar lirshëm në tokën turke për shekuj falë guximit të dëshmorëve dhe gazistëve, të cilët janë më tw përgjegjshëm për flamurin turk që valëvitet në të gjithaw 780,000 kilometra katrorë të territorit të vendit.
Ai tha se Turqia po punonte në çdo mënyrë për të ndihmuar dhe zbutur humbjen e familjeve të anëtarëve të vrarë dhe të plagosur të forcave turke të sigurisë dhe, në vazhdimin e ceremonisë në Kongresin Popullor Bastepe dhe Qendrën Kulturore në Ankara, ai komentoi mbi situatën aktuale në Mesdheun Lindor.
“Të gjithë bashkëbiseduesit tanë e kanë kuptuar tashmë se retorika e kërcënimeve nuk ndihmon dhe se Turqia nuk është një vend objekt shantazhi dhe grabitje,” tha Erdogan, duke shtuar se forcat turke të sigurisë nuk hezitojnë të mbrojnë të drejtat dhe interesat e njerëzve brenda dhe jashtë vendit.
Presidenti turk theksoi se Turqia do të mbrojë plotësisht të drejtat e saj legjitime dhe se Turqia dhe Qipro Veriore kanë në përputhje me ligjin ndërkombëtar në Mesdheun Lindor.
“Turqia, si vendi me vijën më të gjatë bregdetare në Mesdhe, nuk do të lejojë askënd të robërojë brigjet e saj,” tha Erdogan, duke shtuar se, falë qëndrimit të vendosur të Turqisë, diplomacia dhe tavolina e bisedimeve kanë dalë si zgjidhja kryesore e mosmarrëveshjes.
Duke kujtuar se Turqia ka mbështetur dialogun dhe zgjidhjen e mosmarrëveshjeve përmes negociatave të fqinjësisë së mirë që nga fillimi, Erdogan tha se Turqia, si një fuqi e madhe, gjithmonë është sjellë me dinjitet dhe korrektësi, pavarësisht nga provokimet dhe sjelljet fëminore të palës tjetër.
“Qëndrimet e matura, me gjak të ftohtë të Turqisë, kanë luajtur një rol të rëndësishëm në avancimin e procesit në këtë fazë. Ne do të vazhdojmë të tregojmë pjekurinë e nevojshme. Ne do të vazhdojmë të punojmë për të ndërtuar paqen, prosperitetin dhe stabilitetin në vendin dhe rajonin tonë”, tha Erdogan. /tesheshi.com/
