Presidenti Rexhep Tajip Erdoan u takua të enjten me sekretarin amerikan të shtetit Rex Tillerson në kompleksin presidencial në kryeqytetin e Ankarasë, në një kohë kur marrëdhëniet midis Turqisë dhe Shteteve të Bashkuara kanë arritur nivelin më të ulët në dekadat e fundit për shkak të mbështetjes së SHBA-së për njësitë e Mbrojtjes Popullore të PKK-së (YPG) në Sirinë veriore.
Sipas burimeve presidenciale, gjatë takimit Erdogan i ka përcjellur fuqishëm shqetësimet e tij mbi mbështetjen e administratës së SHBA-së për terroristët e YPG-së.
Në një konferencë shtypi në kryeqytetin libanez, Bejrut, përpara se të nisej për në Ankara, Tillerson pretendoi se vendi i tij nuk kishte “dhënë kurrë armë të rënda” për milicinë e YPG-së dhe prandaj nuk kishte “asgjë për të marrë”, duke kundërshtuar pohimet e mëhershme të Pentagonit që konfirmonin ekzistencën e armëve të rënda në duart e YPG-së të dhëna nga SHBA-të.
Vizita e Tillerson u bë më sfiduese, pasi një raport i kohëve të fundit i zbulimit të SHBA konfirmoi përsëri shqetësimet e Ankarasë duke cituar lidhjen ndërmjet PKK-së, të cilën Shtetet e Bashkuara e emërtuan si një grup terrorist dhe YPG-së në Sirinë veriore, duke vënë mbështetjen e Uashingtonit për YPG-në në një situatë të pazakontë.
Turqia ishte ndalesa e fundit e udhëtimit nga Tillerson, pas vizitave të tij në Egjipt, Kuvajt dhe Jordani.
Ai pritet gjithashtu të takohet të premten me homologun e tij turk Mevlüt Çavuşolu për të diskutuar marrëdhëniet dypalëshe dhe zhvillimet ndërkombëtare. Takimi pritet të pasohet nga një konferencë e përbashkët për shtyp. /tesheshi.com/
