Presidenti turk, Recep Tayyip Erdogan u zotua se vendi i tij nuk do të gjunjëzohet midis krizës diplomatike në vazhdim me Shtetet e Bashkuara.
Pa i përmendur me emër Shtetet e Bashkara, lideri turk tha se nuk ka asnjë ndryshim midis sulmeve mbi ekonominë e vendit dhe sulmeve “mbi të drejtën tonë për t’u falur dhe për flamurin tonë”.
“Synimi është i njëjtë. Synimi është të gjunjëzojë Turqinë dhe kombin turk, ta mbajë peng. Ne jemi një komb që preferojmë të qëllohemi në qafë sesa të na hedhin zinxhirin rreth qafës”, tha ai në një video-mesazh me rastin e festës së Bajramit.
Lidhjet midis Turqisë dhe Shteteve të Bashkuara u përkeqësuan për shkak të disa çështjeve, si objektivat kontradiktore në konfliktin sirian, dhe ndalimi i pastorit evangjelist amerikan, Andrew Brunson, të cilin Turqia e akuzon se mbështet grupe terroriste. /tesheshi.com/
