Në disa deklarime të fundit pikante të Presidenti Erdogan, nuk ka qenë e vështirë të kuptohej se ku ka tentuar të godasë.
Kreu i shtetit turk tha vendi i tij është shumë më përpara se ata që kanë naftë dhe para. Porse siç theksoi ai, nevoja është për tjetër gjë, diçka që për Erdogan nuk është lëndore.
“Nevoja jonë më e madhe nuk është për para, naftë, diamante apo armë, por të besojmë se mund të kemi sukses”, tha Presidenti turk, ku fjalët kanë qëlluar Emiratet, autoritetet e vendit me të cilin prej ditësh po replikon, disa herë dhe ashpër. Edhe fjalët e mëpasme të tij e kanë treguar këtë.
Referuar faktit se elita e Emirateve ka tendenca imituese ndaj stilit perëndimor të jetës, me plot element hedonizmi, Erdogan i shpotiti në këtë pikë të dobët.
“Ne tashmë duhet të largohemi nga të qënit imitues. Ne kemi nevojë që të jemi ai që imitohemi. Ne gjithashtu duhet të rrënojmë dhe të hedhim tej prangosjen e mendjes sonë. Ky komb është një komb fisnik, nipër të paraardhësve që janë plot me lavdi historike dhe që kanë hapur dhe mbyllur epoka”, tha Erdogan.
Dhe duke qëndruar tek plagët e botës islame duke veçuar prapambetjen e saj, Erdogan bëri këtë skanim.
“Unë mendoj se problemi themelor këtu është çështje e mentalitetit. Pra, ne përpjekjen e kemi humbur fillimisht në mentalitetin dhe në zemrat tona, në besimin tonë, në në aftësinë tonë për të pasur sukses”, theksoi lideri turk. /tesheshi.com/
