Presidenti turk Rexhep Tajip Erdogan tha të premten se vendimi për revokimin e statusit të muzeut dhe rivendosjen e statusit të xhamisë Hagia Sophia është çështje e sovranitetit turk.
“Reagimet nga jashtë nuk na detyrojnë në asnjë mënyrë. Procesi në lidhje me Hagia Sophia është çështje e sovranitetit. Askush nga jashtë nuk mund të ndikojë në vendimet në lidhje me sovranitetin tonë,” u tha ai gazetarëve,.
Erdogan tha se Administrata për CCështje Fetare e Turqisë po përgatitet për fillimin e lutjeve në Hagia Sophia, e cila do të ndodhë në 24 korrik.
Në lutjen e parë deri në 1.500 besimtarë
Duke theksuar se midis 1.000 dhe 1.500 besimtarëve do të jenë në gjendje të marrin pjesë në lutjen e parë të premten e ardhshme në Hagia Sophia, ai tha se do të merren të gjitha masat e duhura parandaluese për të luftuar përhapjen e koronavirusit.
“E drejta natyrore e popullit tonë është që të rivendosë statusin e xhamisë Hagia Sophia pas 86 vjetësh dhe ta hapë atë me ceremoni fetare. Ne e kemi bërë atë, dhe kjo është e rëndësishme jo vetëm për Turqinë, por edhe për tërë botën islame”, tha Erdogan. /tesheshi.com/
