Kryeministri Rama është pritur sërish nga presidenti turk, Rexhep Tajjip Erdogan, kësaj radhe, siç informon vetë shefi i ekzekutivit shqiptar, në rezidencën e mikut të tij turk.
“Në Stamboll për Kongresin Botëror të Naftës nesër. Sot në rezidencën e Presidentit Erdogan, ku sapo përfundoi takimi prej 90 minutash, mbi projektet e përbashkëta. Progres i qenësishëm për aeroportin e Vlorës dhe linjën ajrore shqiptare, me asistencën logjistike e teknike të Turkish Airlines”, shkruan Rama.
Ky është i disati takim mes tyre, që nga ardhja e Ramës në pushtet, ku që në fillim e shpalli Turqinë e Erdoganit si partnerin kryesor strategjik.
Në raportet mes tyre nuk kanë munguar dhe aspekte jo-zyrtare dhe tërësisht shoqërore. /tesheshi.com/
