Pas Edi Ramës e Bujar Nishani, i vjen radha dhe Hashim Thaçit që të pritet me ceremoni zyryare gjatë një vizite në Turqi, nga vetë kreu i shtetit, Rexhep Tajip Erdogan.
Hashim Thaçi, i cili u shoqërua nga kalorësit prej rrugës para Kompleksit Presidencial deri te porta protokollare, u prit te porta kryesore e objektit nga presidenti Erdogan, ndërsa më pas u ekzekutuan himnet kombëtare të dy shteteve.
Më herët të enjten, Thaçi u takua me kryeministrin Binali Jildirim dhe zëdhënësin e parlamentit turk, Ismail Kahraman.
Pas takimit me Kahraman, Thaçi i bëri një turne ndërtesës së parlamentit që u sulmua gjatë tentativës për grusht shteti me 15 korrik.
Kjo pritje e Thaçit nga Ergodan, ndodh ndërsa ministri i jashtëm i Kosovës, Enver Hoxhaj tha se Turqisë iu tregua vija e kuqe në rastin e ngritjes së akuzës për një gazetar të medias kosovare. /tesheshi.com/
