Presidenti turk Rexhep Tajip Erdogan i tha kanalit televiziv shtetëror rus Russia 1 se Evropa do të paguajë një çmim të lartë për izolimin e Rusisë.
“Çmimi për Perëndimin do të jetë i pafund. Dhe Evropa po e paguan gjithnjë e më shumë atë çmim, dhe Polonia me të,” tha Erdogan.
Mediat raportojnë se Erdogan dhe presidenti rus Vladimir Putin kanë biseduar me telefon dy ditë më parë. Temë e diskutimit ishte zbatimi i plotë i marrëveshjes së grurit.
Putin tha se Rusia nuk është e izoluar dhe as nuk do të jetë e izoluar nga pjesa tjetër e botës. Sipas Putin, “Rusia ka shumë miq”.
“Rusia nuk mund të izolohet sepse është vendi më i madh për sa i përket territorit dhe pranisë së armëve bërthamore”, tha ministri rus i Mbrojtjes Sergei Shoigu.
Duhet kujtuar me këtë rast se Turqia nuk është aleate klasike apo historike e Turqisë. E kundërta, dy vendet kanë një armiqësi historike, pasi Rusia e ka synim të pashuar futjen nën zotërim të Stambollit, aty ku ndodhen “ëelësat e botës”. Kjo, pasi ka një mendësi perandorake për sa më shumë territore, edhe kur nuk ka ë’të bëjë me to.
Në krizën e Ukrainës, Turqia po luan një rol diplomatik ndërmjetës, si një “valvul” për të amortizuar qëndrimet ekstreme të Rusisë dhe Perëndimit. /tesheshi.com/
