Presidenti turk Rexhep Tajip Erdogan njoftoi fluturimin e avionit luftarak kombëtar KAAN deri në fund të vitit 2023.
Forcimi i Forcave të Armatosura Turke është i domosdoshëm në mënyrë që Turqia të jetë një vend i fuqishëm, tha ai, raporton Anadolia Agency.
“Ne e dimë shumë mirë nga përvojat tona të hidhura se nuk mund të ketë një Turqi të fortë pa një ushtri të fortë”, tha lideri turk në ceremoninë në Ankara.
Ai theksoi se është e nevojshme të kemi një ushtri të fortë, moderne dhe të disiplinuar me shkallë të lartë të parandalimit.
Sistemet e mbrojtjes ajrore
“Ne kemi ndërmarrë shumë hapa historikë që do të forcojnë ushtrinë tonë. Ne kemi shkruar fjalë për fjalë një epikë në fushën e industrisë së mbrojtjes”, theksoi Erdogan.
Ai shprehu shpresën se ata së shpejti do të arrijnë të shesin sisteme të mbrojtjes ajrore për ata që refuzojnë të ofrojnë sisteme të mbrojtjes ajrore me pretekste të pabaza.
Duke iu referuar avionit luftarak të Turqisë KAAN, Erdogan tha: “Le të shpresojmë që ta shohim avionin tonë të ngrihet përpara fundit të vitit 2023″. /tesheshi.com/
