Në kthimin e tij nga vizita në Rusi, Presidenti Erdogan tha se Turqia dëshiron t’i jepet fund luftës në Siri.
Ai gjithashtu foli për armëpushimin e rënë dakord në zonën e de-përshkallëzimit të konfliktit Idlib dhe tha se ai do të jetë në gatishmëri në çdo kohë për shkelje të mundshme të armëpushimit nga ana e regjimit.
Ai kujtoi se gjatë takimit me homologun e tij rus, Vladimir Putin, diskutoi marrëdhëniet bilaterale dhe u përqëndrua pikërisht në ngjarjet në Idlib.
“Ne kemi marrëdhënie shumëdimensionale dhe gjithëpërfshirëse me Federatën Ruse në fushat e ekonomisë, tregtisë, industrisë, turizmit dhe energjisë”, tha Erdogan, duke shtuar se Putin ishte ftuar të marrë pjesë në një takim të Këshillit të Bashkëpunimit Strategjik të nivelit të lartë, i cili do të mbahet këtë vit në Turqi.
“Ngjarjet në Siri dhe Idlib nuk duhet të ndikojnë negativisht në marrëdhëniet tona bilaterale. Sipas këtij këndvështrimi, ne kemi ndërmarrë një hap të rëndësishëm dhe kemi arritur një marrëveshje armëpushimi.
Armëpushimi sjell arritje të konsiderueshme në disa fusha. Së pari, ai mbron kufijtë tanë.
Së dyti, përgatit terrenin për stabilitet dhe normalizim në Idlib.
Së treti, jep siguri për ushtarët tanë dhe e katërta, është inkurajuese për një hap të rëndësishëm në mbrojtje trë civilëve”, tha Erdogan.
“Qëllimi ynë është që të përfundojmë luftën civile në Siri dhe të udhëheqim procesin politik në përputhje me Rezolutën 2254 të Këshillit të Sigurimit të KB. Deri në këtë fazë, qëllimi ynë ka qenë të sigurojmë një armëpushim. Faleminderit Zotit, ja kemi arritur!”, shtoi presidenti turk. /tesheshi.com/
