Presidenti i Turqisë, Erdogan tha se vendi i tij nuk mund të vijojë procesin e paqes me kurdët përsa kohë vazhdojnë sulmet e militantëve kurdë mbi objektiva turke.
Komentet e Erdogan vijnë ndërsa NATO po diskuton situatën më të fundit, krijuar pas sulmit të Shtetit Islamik në Suruc dhe përgjigjes së trupave turke që kanë nisur fushatë ajrore kundër militantëve dhe kurdëve në Siri dhe në Irak.
Pas sulmit në Suruc ku u vranë 32 aktivistë turq në kufirin me Sirinë, Turqia po mbështet planet për një zonë të sigurtë në kufirin me Sirinë. Sikundër targetimi i militantëve të Shtetit Islamik, në objektiv kanë qenë edhe militantët e partisë së jashtëligjshme kurde, PKK.
Turqia thotë se nuk bën dallim mes PKK dhe Shtetit Islamik përsa kohë i konsideron të dyja si organizata terroriste.
Tensionet janë shtuar në zonën kufitare mes Turqisë, Sirisë dhe Irakut, në një zonë të Turqisë ku konflikti mes trupave qeveritare dhe separatistëve kurdë ka sjellë një bilanc prej 40 mijë të vrarësh që prej vitit 1984./tesheshi/
