Turqia do të paguajë një çmim të lartë nëse nuk e bën atë që është e nevojshme në veri të Sirisë – tha Presidenti turk Rexhep Tayip Erdogan pasi njoftoi se Turqia do të kryejë një operacion ushtarak në një zonë të kontrolluar nga kurdët në lindje të Eufratit.
Siç raporton Reuters, në një fjalim para ambasadorëve turq në Ankara, Erdogan tha se “ky proces, me dëshirën e Zotit, shumë shpejt të kaloj në një fazë të re”.
Kjo pjesë e Sirisë i përket një zone të kontrolluar nga Garda Kombëtare e Mbrojtjes (YPG), aleati kryesor amerikan në territorin Sirian, që Turqia e konsideron si një organizatë terroriste.
Në takimin me ambasadorët turq, Erdogan tha se është i sigurt se Presidenti i SHBA Donald Trump nuk do të lejojë që të dy shtetet të bëhen peng të mosmarrëveshjes për blerjen turke të sistemit rus të mbrojtjes ajrore S-400.
Ai shtoi se nuk u paraqit asnjë provë për të mbështetur faktin se ky sistem i mbrojtjes ajrore mund të bënte dëm për luftëtarët F-35 të SHBA-së.
Zyrtarët amerikanë thanë qartë se operacioni ushtarak në veri të Sirisë do të jetë një veprim me rrezik të lartë, duke cituar prekjen e sigurisë se forcave amerikane që bashkëpunojnë me kurdët kundër ISIS-it. /tesheshi.com/
