Presidenti turk Rexhep Tajip Erdogan tha në Baku të enjten se Azerbajxhani, nën udhëheqjen e fortë të Presidentit Ilham Aliyev, do të vazhdojë të regjistrojë fitore epike.
Një Paradë Fitoreje me rastin e çlirimit të territorit azernga okupimi armen po zhvillohet në Sheshin Azadliq në Baku. Në paradën ushtarake marrin pjesë forcat e armatosura të Azerbajxhanit dhe Turqisë, në prani të presidentëve të dy vendeve, Aliyev dhe Erdogan, si dhe zyrtarë të shumtë.
Gjatë fjalimit të tij, Erdogan theksoi se çlirimi i territorit të Azerbajxhanit nga pushtimi nuk do të thotë se lufta ka mbaruar.
“Shpresoj që Azerbajxhani të vazhdojë të regjistrojë fitore epike nën udhëheqjen e fortë të vëllait tim Aliyev,” tha Erdogan.
Duke folur për metodat e përdorura nga Armenia gjatë okupimit të territorit Azerbajxhan, Erdogan tha se udhëheqja armene shpenzoi burimet e njerëzve për të mbajtur territorin e Azerbajxhanit nën pushtim.
“Rregullat e luftës janë shkelur rëndë, dinjiteti njerëzor është shkelur. Eshtë detyra jonë të sigurojmë që faturat të paguhen për këtë. Eshtë koha që ata që nuk sollën asgjë tjetër përveç shkatërrimit, masakrave dhe lotëve në Nago-Karabak të ndëshkohen”, tha Erdogan.
Ai shtoi se është e nevojshme të kuptohet se asgjë nuk mund të arrihet duke u mbështetur te imperialistët perëndimorë dhe se marrëdhëniet duhet të rishikohen.
Erdogan gjithashtu tha se nëse njerëzit e Armenisë marrin mësim nga ajo që ndodhi në Nago-Karabak, kjo mund të nënkuptojë fillimin e një epoke të re në rajon.
“Turqia dhe Azerbajxhani do të kapërcejnë të gjitha vështirësitë dhe do të kalojnë nga suksesi në sukses për sa kohë që forcat e tyre janë të bashkuara,” tha Erdogan. /tesheshi.com/
