Erdogan në Iran: Të ndalim gjakderdhjen në Irak, Siri dhe Jemen

Presidenti turk, Recep Tayyip Erdogan, deklaroi sot në Iran se Turqia është gati të përmbushë përgjegjësitë e saj për të ndalur gjakderdhjen në Irak, Siri, Jemen dhe në të gjithë rajonin.

Kreu i shtetit turk, i cili shkoi zhvilloi një vizitë zyrtare në Teheran, organizoi një konferencë të përbashkët shtypi me homologun iranian, Hassan Rouhani.

Presidenti iranian shprehu dëshirën për vijimin e marrëdhënieve të mira me Turqinë.

Duke theksuar se me Presidentin Erdogan biseduan për nivelin e papranueshëm të mosbesimit dhe klimës së destabilitetit, që po mbretëron në rajon; Hassan Rouhani sqaroi se trajtuan një për një problemet e të gjithave vendeve të rajonit, me në krye Jemenin, dhe ndajnë të njëjtin mendim për sa i takon përmbushjes së përgjegjësive për ndaljen e gjakderdhjes.

Ndërsa Presidenti Erdogan bëri të ditur se në Mbledhjen e Këshillit të Bashkëpunimit Strategjik me Nivel të Lartë Turqi-Iran, të cilën e drejtuan bashkë me Presidentin Rouhani, u nënshkruan 8 marrëveshje dhe një memorandum mirëkuptimi.

Pasi vuri në pah se me Hassan Rouhanin biseduan për rritjen e bashkëpunimit në fushën e kulturës, turizëm, politikë, energji, transport dhe ekonomi, Erdogan potencoi se rajoni është shndërruar në një vorbull zjarri, prandaj u shqyrtuan gjithashtu hapat, që mund të hidhen në arenën ndërkombëtare për luftën kundër terrorit.

“Si dy vende mike dhe përtej miqve vëllezër, nevojitet bashkëpunim veçanërisht në lidhje me çmimet e gazit natyror dhe energjisë elektrike. Nëse çmimi i gazit natyror ulet, atëherë edhe ne do të blejmë më shumë. Nga Teherani zyrtar presim që të bëjë hapa në këtë drejtim”, nënvizoi lideri turk.

Por, shtoi ai, duhet me doemos të rritet edhe vëllimi tregtar ndërmjet dy vendeve.

Nga ana tjetër, Presidenti Erdogan propozoi që shit-blerjet mes Turqisë dhe Iranit të mos realizohen me dollarë apo euro, por me njësitë monetare kombëtare të të dyja vendeve, në mënyrë që kjo marrëveshje të bëhet shembull për të gjithë botën.

Duke i cilësuar Irakun, Sirinë dhe Jemenin si plagë të gjakosura, lideri turk sugjeroi ndërmjetësim që të bëhet e pamundura për zgjedhjen e rrugës së negociatave dhe dialogut me qëllim ndalimin e gjakderdhjes.

Në fund të fjalës së tij në konferencë shtypi, Erdogan e falënderoi Presidentin Rouhani përzemërsisht për mikpritjen bujare.

Gjatë kësaj vizite, që realizohet për herë të parë pas 4 vitesh në nivel presidencial nga Turqia në Iran, Erdogan do të ketë një takim edhe me liderin suprem iranian, Ali Khamanei.

Në këtë vizitë zyrtare njëditore, Presidenit Erdogan  u shoqërua nga ministri i Punëve të Jashtme, Mevlut Çavusoglu; ministri i Ekonomisë, Nihat Zeybekçi; ministri i Doganave dhe Tregtisë, Nurettin Canikli; ministri i Energjetikës dhe Burimeve Natyrore, Taner Yildiz; ministri Kulturës dhe Turizmit, Omer Çelik dhe ministri i Zhvillimit, Cevdet Yilmaz.