Presidenti turk, Rexhep Tajip Erdogan, gjatë vizitës së tij në Hungari, tha se BE-ja ka nevojë për vendin e tij. Por ai kërkoi nga Brukseli që ta thotë hapur dhe me sinqeritet nëse e do Turqinë në BE apo jo.
Ai theksoi se që nga viti 1963, BE ka qenë prezente në Turqi duke ndjekur proceset drejt anëtarësimit të mundshëm në Bashkim Europian.
“Që nga viti 1963 ju keni qëndruar në Turqi. Asnjë shtet anëtar të BE-së nuk i është bërë kaq shumë padrejtësi”, tha presidentit turk.
Ndërkohë, shprehu mirënjohjen e tij ndaj Hungarisë për solidaritetin dhe mbështetjen që Budapesti i dha Turqisë pas grushtit të dështuar të shtetit më 15 korrik 2016.
“Pas grushtit të shtetit të 15 korrikut, Hungaria ishte një nga vendet që më fort u solidarizua me vendin tonë. Ne kurrë nuk do të harrojmë këtë solidaritet”, tha Erdogan. /tesheshi.com/
