Presidenti turk Rexhep Tajip Erdogan vlerësoi se Bashkimi Evropian i është nënshtruar shantazheve nga Greqia dhe Qipro në lidhje me situatën në Mesdheun lindor.
Ai ia tha këtë kancelares gjermane Angela Merkel gjatë një bisede të bërë përmes thirrjes video, raporton Reuters.
Erdogan i tha Merkelit se vendimet e javës së kaluar në samitin e BE nuk ishin të mjaftueshme për të kapërcyer problemet në marrëdhëniet midis Ankarasë dhe Brukselit, tha kabineti i Erdogan.
Presidenti turk dhe kancelarja gjermane diskutuan gjithashtu marrëdhëniet e Turqisë me Gjermaninë dhe BE, si dhe situatën në Mesdheun lindor, Libinë dhe Nago-Karabakun.
Erdogan tha se deklarata e përbashkët nga samiti i udhëheqësve të BE-së nuk kishte elementë që do të krijonin terren pjellor për forcimin e dialogut dhe bashkëpunimit midis Ankarasë dhe Brukselit.
Duke theksuar se BE, megjithë pikëpamjet dashamirëse të Turqisë, i është nënshtruar presionit dhe shantazheve nga Greqia dhe Qiproja Jugore, ai tha se interesat kryesore të BE nuk duhet t’i nënshtrohen interesave të vogla të anëtarëve individualë.
Duke folur për ngjarjet në Nago-Karabak, presidenti turk tha se problemi i territorit të okupuar azer mund të zgjidhet vetëm me zbatimin e ligjit ndërkombëtar dhe rezolutave të Kombeve të Bashkuara që urdhërojnë tërheqjen e “forcave pushtuese armene” nga territori azerbajxhanas.
Të dy udhëheqësit diskutuan gjithashtu krizën në Libi dhe Erdogan tha se qetësimi i tensioneve në terren nuk duhet të luhet në tryezën e negociatave. /tesheshi.com/
