Presidenti turk Rexhep Taip Erdogan kryesoi një samit të sigurisë në Kompleksin Presidencial në lagjen Beshtepe të Ankarasë, pasi qeveria rajonale e Kurdistanit (KRG) zhvilloi referendumin e saj të diskutueshëm pavarësisht kundërshtimeve nga të gjitha anët.
Të gjithë krerët e shtetit turk ishin të pranishëm në takim, ku u diskutuan mbi zhvillimet më të fundit në rajon lidhur me referendumin, situatën aktuale në Irak dhe Sirinë dhe luftën kundër terrorizmit.
Duke përsëritur kundërshtimin e fortë të Ankarasë ndaj insistimit të Irbilit për pavarësi, Erdogan paralajmëroi kurdët e Irakut verior se synimet e pavarësisë mund të rezultojnë me risk për vetë ata në hapa afatgjatë politikë, ekonomikë, tregtarë dhe të sigurisë.
Përveç kësaj, Ankaraja i ka bërë thirrje Barzanit që të heqë dorë nga pavarësia, duke pretenduar se këto përpjekje mund ta zvarritin rajonin në kaos dhe konflikt të mëtejshëm. Ankaraja gjithashtu e konsideron masën e pavarësisë së KRG-së si një kërcënim për sigurinë kombëtare për Turqinë.
Ushtria turke dhe ushtria irakiane aktualisht po kryejnë stërvitje të përbashkëta ushtarake në kufi, të cilat kanë vazhduar që nga java e kaluar. /tesheshi.com/
