“Të thuash se Turqia është dorëzuar përballë terrorizmit, do të thotë që të ndodhesh në të njëjtën anë me terroristët dhe organizatat terroriste, pasi i gjithë qëllimi i organizatave terroriste është që të mundësojë që dikush ta shprehë këtë”, është kjo deklarata më e fundit e presidentit turk, Rexhep Tajip Erdogan ditë pas rastit të më fundit tragjik ku një person vrau 39 njerëz në një klub nate në Stamboll, duke u gdhirë data 1 e 2017-ës
“Turqia ndodhet sot në një luftë për pavarësi. Nëse e fitojmë këtë luftë do të arrijmë objektivat tona për vitin 2023 dhe do të formësojmë vizionet tona për vitet 2053 dhe 2071… Të gjithë qytetarët tanë duhet të kenë një qasje me përgjegjësi ndaj kësaj çështjeje ku edhe fjalën, mënyrën dhe sjelljen duhet ta përcaktojë sipas kësaj”, theksoi Erdogan në një takim me krerë lokalë të vendit.
Pavarësisht valës së terrorit që ka përfshirë Turqinë, me sulme e atentate të njëpasnjëshme në publik, Erdogan është përpjekur të mbajë lart moralin e shoqërisë. /tesheshi.com/
