Në përgjigje të sulmit financiar amerikan, presidenti turk Rrexhep Tajjip Erdogan shpalli të martë vendimin për bojkotin produkteve elektronike të SHBA.
Duke folur në një simpozium të organizuar nga Fondacioni për Studime Politike, Ekonomike dhe Sociale (SETA), Erdogan tha: “Çdo produkt që ne e blejmë nga jashtë me monedha të huaja, duhet ta zëvëndësojmë me një produkt më të mirë dhe të jemi ne ata që do të eksportojmë. Ndaj, të zbatojë një bojkotim të produkteve elektronike amerikane”.
“Nëse ata kanë iPhone, është Samsungu në anën tjetër. Në kemi po ashtu Venus Vestel-in tonë”, tha Erdogan.
Pas fjalimit. aksionet e prodhuesit elektronik turk Vestel në Borën e Stambollit u rritën deri në 7 përqind.
Duke komentuar sulmin financiar amerikan, Erdogan iu referua asaj çfarë ka ndodhur kohët e fundit mes Turqisë dhe SHBA.
“Kur nuk arrijnë të bëjnë atë që ata duan në terren, më pas nuk hezitojnë ta përdorin ekonominë si armë”, tha presidenti turk, duke ju referuar zhvillimeve në jug të Sirisë, në vatrat e grupimeve kurde.
Erdogan tha se reagimi më i mirë ndaj presionit ekonomik ndaj Ankarasë do të ishte një rritje në prodhimin dhe punësimin në Turqi.
“Ne duhet të prodhojmë dhe të eksportojmë më shumë”, tha lideri turk.
Më tej Erdogan theksoi se “Turqia ka një nga sistemet më të shëndetshme bankare në botë”. /tesheshi.com/
