Presidenti turk, Recep Tayyip Erdogan apeloi vendet anëtare të BE-së të bëjnë më shumë për të zgjidhur krizën e refugjatëve sirianë. Ai i bëri këto komente gjatë një vizite në Moskë, ku ishte i pranishëm në ceremoninë e inagurimit të Xhamisë-Katedrale në kryeqytetin rus.
“Zgjidhja e krizës së refugjatëve nuk mund të arrihet me anë të mbylljes së kufijve apo duke i lënë njerëzit të mbyten në det”, tha Erdogan gjatë një konference për mediat. “Zgjidhja mund të gjendet në transformimin e shteteve të këtyre refugjatëve në vende të jetueshme ku ata të qëndrojnë”.
Erdogan përsëriti se Turqia tashmë strehon më shumë se 2 milionë refugjatë, pjesa më e madhe nga Siria. Me këtë rast ai shtoi: Dua të risjell mesazhin e shkrimtarit rus, Tolstoi që thotë se veprimi më i rëndësishëm në jetë është mirësia”.
Duke iu referuar imazheve të refugjatëve të mbytur në det, ndërsa përpiqen të arrijnë Europën, Erdogan tha se “ato janë një turp për njerëzimin”.
Më shumë se 500 mijë refugjatë kanë hyrë në BE gjatë këtij viti, afërisht dyfishi i numrit të refugjatëve përgjatë gjithë vitit të kaluar./tesheshi.com/
