Presidenti turk Rexhep Tajip Erdogan përsëriti të enjten thirrjen e tij për një transformim të Kombeve të Bashkuara në kushtet e reja globale.
“Ne duhet të kemi Këshillin e Sigurimit të OKB-së dhe me pjesëmarrjen e vendeve nga të shtatë kontinentet. Nuk duhet të jetë Amerikë, Evropë, Azi”, tha ai në Stamboll, duke vënë në dukje se Këshilli i Sigurimit të OKB-së kishte nevojë për reforma serioze.
Në disa raste, presidenti turk pohoi se “bota është më e madhe se pesë” anëtarë të përhershëm të Këshillit të Sigurimit të OKB.
“Epoka e pesë anëtarëve të përhershëm të Këshillit të Sigurimit të OKB-së ka përfunduar”, tha Erdogan, duke argumentuar se kjo marrëveshje vjen nga Lufta e Dytë Botërore.
“Ne nuk jetojmë në të njëjtat rrethana. Është koha për të bërë një tranzicion të ri dhe ndryshime të reja në OKB,” tha Erdogan, duke shtuar se OKB duhet të përgjigjet thirrjeve për drejtësi.
Ai kujton, në këtë kuptim, që një zgjidhje e zbatueshme për çështjen palestineze ende nuk është gjetur.
“Pse? Sepse kaq shumë vendime janë marrë kundër Izraelit, por asnjëra prej tyre nuk është zbatuar”, tha presidenti turk. /tesheshi.com/
