Presidenti turk Rexhep Tajip Erdogan ka thënë se forcat greke të sigurisë po persekutojnë, plaçkitin, rrahin dhe madje vrasin refugjatët.
Erdogan iu drejtua një video-mesazhi në Konferencën Parlamentare Globale për Migracionin, të organizuar nga Asambleja e Madhe Kombëtare e Turqisë, së bashku me Unionin Ndërparlamentar në Stamboll.
Në mesazh ai vuri në dukje dramën me të cilën po përballen refugjatët sot.
“Pothuajse çdo ditë ne jemi dëshmitarë të dramës së refugjatëve që persekutohen, plaçkiten, rrihen dhe madje vriten nga forcat greke të sigurisë”, citohet të ketë thënë Erdogan nga Anatolia.
“Vendet si ne, që janë fqinjë të zonave të krizës, mbajnë barrën e migrimit dhe refugjatëve, jo shoqëri të zhvilluara që vetëm ngrenë zërin.”
Ai shtoi se ata që përdorin disa qindra refugjatë që kanë pranuar si material reklamues, nuk marrin asnjë përgjegjësi përballë krizës humanitare në rritje.
Këto deklarime te presidentit turk vijnë në një kohë acarimesh mes fqinjëve, të cilat kanë si shkak të drejtat mbi ishujt e Egjeut. /tesheshi.com/
