“Bosnja ka një vend të veçantë në zemrat e njerëzve tanë dhe në aspektin historik dhe njerëzor. Duke qenë se boshnjakët kanë vuajtur shumë, është dhe plotësimi i një amaneti të Alija Izetbegoviç që mbetet një borxh dhe obligim i përhershëm për mua”, ka thënë Erdogan.
Në një fjalim në Asamblenë Kombëtare të Turqisë, në seancën e parë pas pushimeve, Erdogan deklaroi se do të vazhdojë të ndërtojë marrëdhënie të ngushta dhe të intensifikojnë bashkëpunimin miqësor me këtë vend, pasuar nga Shqipëria, Kosova, Maqedonia, Mali i Zi dhe Serbia.
Erdogan njoftoi gjithashtu se në ditët e ardhshme Turqia edhe më tej do të intensifikojë marrëdhëniet me Rusinë e Katarin, dhe shprehu shpresën në zgjidhjen e problemeve dhe forcimin e marrëdhënieve në frymën e partneritetit strategjik me Shtetet e Bashkuara.
“Ne jemi të vendosur për të luftuar në aspektin e diplomacisë dhe ligjit kundër mentaliteve të deformuara që na kanë future nën sanksione nën maskën e një prifti që është në gjyq për bashkëpunim me organizatat terroriste”, tha Erdogan.
Duke theksuar se Turqia po tregon gatishmërinë për të përmirësuar marrëdhëniet dhe bashkëpunimin me Greqinë dhe Bullgarinë fqinje, Erdogan theksoi se çështja e statusit të Jerusalemit dhe mbështetja ndaj çështjes palestineze kanë një vend të veçantë në aktivitetet e politikës së jashtme të Ankarasë.
Duke përkujtuar se Turqia është kujdesur për më shumë se 3.5 milion refugjatë nga Siria, Erdogan tha se Turqia do të vazhdojë të investojë në përpjekje maksimale drejt një zgjidhje politike të krizës në Siri. /tesheshi.com/
