Presidenti i Turqisë, Rexhep Tajjip Erdogan, në një fjalim të mbajtur në konferencën e ambasadorëve ka reaguar ashpër në lidhje me aktin terrorist në Stamboll.
“Dënoj me keqardhje këtë ngjarje terroriste e cila vlerësohet si një sulm nga një kamikaz me origjinë siriane dhe që ka ndodhur në sheshin ‘Sulltanahmet’ në Stamboll”- u shpreh Erdogan.
Presidenti i Turqisë u shpreh më tej se po vërejmë shkeljen e të drejtave të miliona qytetarëve nga ana e organizatës terroristë.
“Problematika e Turqisë është problematikë e terrorizmit dhe jo problematikë e kurdëve”-
Erdogan ka theksuar se Turqia nuk ka asnjë problem me qytetarët e saj kurdë dhe se nuk ka një çështje “problematika kurde”.
“Ashtu siç edhe në rajone të ndryshme të vendit edhe vëllezërit e mi kurdë mund të kenë probleme në vendet ku jetojnë dhe këto do ti zgjidhim duke i konsultuar bashkërisht. Problemi që ka Turqia është terrorizmi që çuditërisht ndodhet në shumë vende të botës. Pra nuk është një problematikë në lidhje me kurdët, të mos gënjejmë veten tonë dhe duhet ta shpjegojmë mirë këtë. Por fatkeqësisht disa të ashtu quajtur intelektualë flasin se shteti po kryen masakra. Ju pseudo intelektualë, jeni në errësirë nuk jeni në dritë. Ju jeni aq të pa ditur saqë nuk dini adresën e juglindjes dhe të lindjes.
Por ne ato rajone atje, ato adresa i njohim shumë mirë ashtu si rrugën e shtëpisë”.
/tesheshi.com/
