Presidenti turk Rexhep Tajip Erdogan ka akuzuar Iranin se po përpiqet të dominojë në Lindjen e Mesme, e se aspirata të tilla po e shqetësojnë Turqinë, Arabinë Saudite dhe vendet e Gjirit. Por kjo tha ai nuk mund të tolerohet.
Ankaraja zyrtare ka deklaruar se mbështet ndërhyrjet ushtarake kundër grupimit shiit Husija në Jemen, ndërhyrje të udhëhequra nga Arabia Saudite, si dhe i ka bërë thirrje grupit militant dhe “mbështetësve të tyre nga jashtë”, për të ndaluar veprimet që kërcënojnë paqen dhe sigurinë në rajon, citohet të jetë shprehur Erdogan.
Por presidenti turk i ka mëshuar fort dhe Iranit në apelin e tij, duke i bërë thirrje që të terhiqet nga mbështetja për Husijtë.
“Irani duhet të ndryshojë qëndrimin. Ajo duhet të tërheqë të gjitha forcat e saj, nëse ata janë të vendosura në Jemen, Siri apo Irak, dhe të respektojë integritetin territorial të këtyre vendeve”, shtoi Erdogan.
