Presidenti turk Rexhep Tajip Erdogan shprehu bindjen se pas S-400 rus, në Turqi do të mbërrijnë dhe F-35 amerikanë.
Gjatë një takimi me studente nga universitete të shumta turke në Pallatin Dolmabahçe në Stamboll, Erdogan iu përgjigj pyetjeve të tyre rreth ngjarjeve aktuale. Një nga temat që studentët ishin të interesuar ishte blerja nga Turqia e sistemit rus të mbrojtjes S-400, e cila e ka futur Ankaranë dhe Uashingtoni në një krizë mes tyre.
Erdogan nënvizoi se marrja e S-400, pavarësisht presioneve, është një punë e mbarruar.
“Kur bëhet fjalë për sistemin S-400, nuk ka asnjë pikë për të bërë një hap prapa, sepse kjo është punë e mbarruar”, tha Erdogan.
Por ai shprehu bindjen se dhe bombarduesit amerikanë F-35, një tjetër blerje por e anolluar nga SHBA, a më saktë e kushtëzuar, do bëhet realitet.
“Herët ose vonë, do të dërgohen dhe bombarduesit F-35, por edhe sistemi mbrojtës S-400 do të dorëzohet në vendin tone”, tha Erdogan.
Që nga viti 2011, Turqia ka intensifikuar forcimin e mbrojtjes ajrore për shkak të kërcënimeve të sigurisë në rajon.
Pasi dështoi të negociojë blerjen e sistemit amerikane të mbrojtjes ajrore “Patriot”, Turqia vendosi në 2017 për të blerë një sistem të sofistikuar të mbrojtjes S-400 nga Rusia. Një veprim i tillë nga Ankaraja ka shkaktuar zemërimin e Uashingtonit.
Një sërë zyrtarësh ushtarakë dhe analistë amerikanë po kërkojnë që SHBA të mos i dërgojë F-35 të Turqisë nëse kjo e fundit merr sistemin rus S-400. Ata pretendojnë se Rusia mundet që në mënyrë indirekte të marrë parametrat kryesorë mbi bombarduesit amerikanë.
Ministri turk i Mbrojtjes Hulusi Akar, tha se blerja e sistemit rus të mbrojtjes S-400, për Turqinë nuk ishte çështje zgjedhje por më tepër një nevojë. /tesheshi.com/
