Duke shfrytëzuar me sukses FaceTime, atw me tw cilin ftoi miliona qytetarë turq për të dalë në rrugë për të mbrojtur demokracinë natën e 15 korrikut gjatë një përpjekje të dështuar për grusht-shteti, presidenti Rexhep Tajip Erdogan ka përdorur një aplikacion për video-bisedë për t’i kërkuar të atit të një mbretëreshë marokene të bukurisë dorën e saj për martesë, në emër të një aktori të famshëm turk.
Murat Yıldırım, i cili ka luajtur në shumë seriale të njohura turke dhe është një aktor i njohur në botën arabe, kërkoi ndihmën e presidentit Erdogan që të kërkojë dorën e Miss Botës Arabe, Iman ElBani, raportoi të hënën e përditshmja Haberturk.
Pas një organizimi mirëseardhjeje për ElBani me një ceremoni tradicionale me daulle në provincën jugore Adana pak ditë më parë, aktori Yıldırım u takua me presidentin Erdogan dhe zonjën e parë Emine Erdogan.
Presidenti është fotografuar duke folur me babain e Elbani-së për të kërkuar dorën e vajzës së tij për martesë në emër të aktorit Yıldırım, me ç’rast thuhet se babai i saj është përgjigjur pozitivisht.
Çifti pritet që të lidhë kurorë, por nuk ka detaje për datën e dasmës së tyre, ose nëse presidenti do të marrin pjesë.
Yıldırım ka luajtur rolin kryesor në shumë seriale turke. Ai ka fituar famë të gjerë në Ballkan dhe në vendet e Lindjes së Mesme, si dhe Turqi, sidomos për rolin e tij kryesor në “Asi”, në të cilin ai ka luajtur së bashku me Tuba Büyüküstün. Ai dhe aktorja Burcin Terzioğlu janë divorcuar vitin e kaluar. /tesheshi.com/
