Presidenti i Turqisë Rexhep Tajip Erdogan thotë se Ankaraja do të fillojë një operacion ushtarak në një zonë të kontrolluar nga kurdët në Sirinë Veriore.
Erdogan tha se si Rusia dhe Shtetet e Bashkuara janë në dijeni për operacionin e planifikuar, por nuk tha se kur do të fillojë. Kjo do të ishte hyrja e tretë që Turqia ndërhyn në Siri që nga fillimi i luftës atje.
Erdogan ka paralajmëruar fillimin e një sulmi në lindje të Eufratit muaj më parë, por vendosi të ndalojë planet pasi SHBA premtoi të krijonte një zonë de-eskalimi përgjatë kufirit të Sirisë.
Por Ankaraja ka akuzuar Uashingtonin për ngecjen e procesit dhe njoftimi i së dielës paralajmëron se Erdogan ka humbur durimin me aleatët e tij amerikanë. /tesheshi.com/
