Presidenti turk Rexhep Tajip Erdogan tha se forcat e inteligjencës turke vranë liderin e ISIS, Abu Husein al-Qurashi në Siri.
“Ai person u neutralizua të dielën, më 30 prill, si pjesë e një operacioni të Organizatës Kombëtare të Inteligjencës Turke në Siri”, tha Erdogan në një intervistë për televizionin TRT Turk.
Erdogan tha se organizata e inteligjencës e ndoqi Qurashi-n për një kohë të gjatë.
Burime siriane lokale dhe të sigurisë thanë se bastisja ndodhi në qytetin verior sirian të Jandaris, i cili është nën kontrollin e grupeve rebele të mbështetura nga Turqia dhe një nga më të goditurit nga tërmeti i 6 shkurtit që goditi Turqinë dhe Sirinë.
Ushtria Kombëtare Siriane, fraksioni i opozitës në zonë, nuk ka dhënë ende asnjë koment.
Një nga banorët tha se përleshjet kanë nisur në periferi të Jandaris-it në natën e së shtunës në të dielën dhe kanë zgjatur rreth një orë para se banorët kanë dëgjuar një shpërthim të madh.
Zona më vonë u rrethua nga forcat e sigurisë për të parandaluar që dikush t’i afrohej zonës.
ISIS zgjodhi al-Qurashi-n si lider të saj në nëntor 2022 pasi udhëheqësi i mëparshëm u vra në një operacion në Sirinë jugore.
ISIS mori kontrollin e pjesëve të mëdha të Irakut dhe Sirisë në vitin 2014 dhe udhëheqësi i tij në atë kohë, Abu Bakr al-Baghdadi, shpalli një kalifat islamik në territorin ku jetonin miliona njerëz.
Por ISIS humbi kontrollin e territorit pas fushatave nga forcat siriane dhe irakiane të mbështetura nga SHBA, si dhe forcat siriane të mbështetura nga Irani, Rusia dhe paraushtarakë të ndryshëm.
Anëtarët e mbetur të IS janë fshehur kryesisht në zonat e largëta të të dy vendeve vitet e fundit, megjithëse ata janë ende të aftë të kryejnë sulme të papritura në shkallë të gjerë. /tesheshi.com/
