Presidenti turk Erdogan tha se qeveria turke i ka zgjidhur problemet me të cilat ballafaqohen gratë e veshura me hixhab, të cilat dikur arrinin në nivelin e shtypjes, raporton Anadolu Agency (AA).
Ai kujtoi atë kohe të rëndë në Turqi, nën udhëheqjen me theks antifetar, ku femra e mbuluar deri dhe shtypej në të drejten e saj të besimit, duke u privuar nga shkollimi dhe punësimi.
“A ka një problem të tillë në vendin tonë tani për të gjitha motrat tona, nga gjyqtaret tek akademiket, nga zyrtarët tek policia, që aktualisht punojnë në sektorin publik apo privat? Jo, nuk ekziston. Falë Zotit, sot në Turqi mbajtja e hixhabit nuk është problem, për shkak të mundimit dhe përpjekjeve që kemi bërë”, theksoi Erdogan.
Presidenti turk tha gjithashtu se veshja në përgjithësi dhe çështja e hixhabit në veçanti, nuk duhet të jetë objekt as i ligjit dhe as i Kushtetutës sepse është një e drejtë themelore.
Erdogan i bëri thirrje opozitës turke që të mbështesë në mënyrë konstruktive miratimin e Kushtetutës së re të Turqisë dhe të vulosë zgjidhjen e çështjes së grave me hixhab. /tesheshi.com/
