Presidenti turk Rexhep Tajip Erdogan thotë se fati i 1.7 miliardë muslimanëve në të gjithë botën nuk është më në duart e pesë anëtarëve të përhershëm të Këshillit të Sigurimit të Kombeve të Bashkuara.
Erdogan tha se një sistem që lë fatin e botës islame në vullnetin e pesë shteteve ka skaduar.
Në një fjalim në Samitin e Kuala Lumpur, kryeqyteti i Malajzisë, Erdogan tha se bota është më e madhe se pesë vendet, ose anëtarët e Këshillit të Sigurimit, që kanë veton në të gjitha vendimet e marra nga organi më i lartë ekzekutiv i Kombeve të Bashkuara.
Erdogan vazhdimisht bën thirrje për një reformë strukturore të Kombeve të Bashkuara dhe pothuajse në të gjitha tubimet e mëdha ndërkombëtare, ai thotë se fati i botës nuk mund të lihet më në vullnetin e Kinës, Francës, Rusisë, Mbretërisë së Bashkuar dhe Shteteve të Bashkuara.
“Turqia nuk ka dhe nuk do t’i përkulet presionit, dhe ne nuk e bëmë atë gjatë grushtit të shtetit të mbetur në tentativë. Ndërsa ata përpiqen të heshtin Turqinë, ne insistojmë të përqendrohemi në krizat në Palestinë, Gaza, Arakan, Libi, Somali dhe Siri”, tha Erdogan. /tesheshi.com/
