Presidenti turk Rexhep Tajip Erdogan ka futur kufizime shtesë në të gjithë vendin për të parandaluar përhapjen e koronavirusit.
Të premten, Erdogan njoftoi pezullimin e të gjitha fluturimeve ndërkombëtare drejt dhe nga Turqia, si dhe kontrolle të rrepta të brendshme udhëtimi.
Të premten, numri i vdekjeve të lidhura me virusin koronar në Turqi u rrit në 92, ndërsa numri i përgjithshëm i infeksioneve ishte 5.698.
Masat e reja kufizuese përfshijnë kërkimin e aprovimit nga autoritetet lokale para nisjes për udhëtime ndërkufitare dhe mbylljen e piknikëve të fundjavës, të pyjeve dhe vendeve arkeologjike.
Erdogan nuk dha një afat kohor se kur do të përfundonin kufizimet.
“Kohëzgjatja e këtyre masave do të varet nga vendosmëria e popullit tonë për të ndjekur udhëzimet,” tha Erdogan, duke u bërë thirrje turqve të “tregojnë durim dhe sakrificë”.
“Ne do ta zgjidhim problemin sa më shpejt të jetë e mundur”
“Me vullnetin e Zotit, ne do ta zgjidhim këtë çështje sa më shpejt të jetë e mundur nëse të gjitha masat respektohen rreptësisht,” shtoi ai.
Presidenti turk tha se ishte shumë e rëndësishme të mos bëhej panik, “sepse autoritetet turke janë duke marrë të gjitha masat e nevojshme për të luftuar koronavirusin”.
“Ne kurrë nuk do të bëjmë panik sepse vërtet po e luftojmë me forcë këtë kërcënim. Në këtë vend, ne nuk lejojmë që dikush të jetë i uritur, i braktisur dhe i sulmuar. Faleminderit Zotit, ne nuk kemi asnjë problem me ilaçet dhe ushqimin”, tha presidenti turk. /tesheshi.com/
