Turqia ka ndërmarrë hapa të rëndësishëm në formësimin e zhvillimeve në Siri dhe “dielli po lind” sërish në vendin fqinj, tha të shtunën presidenti turk Rexhep Tajip Erdogan.
Duke folur në kongresin e 8-të të AK Partisë në provincën veriore Ordu, Erdogan theksoi transformimin në Siri si një arritje kyçe të politikës rajonale të Turqisë.
“Ne nuk kemi hyrë drejtpërdrejt në Siri, por kemi trajtuar çdo dimension të çështjeve të saj në mënyrë gjithëpërfshirëse dhe e kemi sjellë atë në gjendjen e tanishme. Tani, dielli po lind përsëri në Siri”, tha ai.
Erdogan tha se në vend të një hapi të drejtpërdrejtë në Siri, strategjia e shumëanshme e Turqisë ka çuar në rezultate pozitive.
Ai kritikoi gjithashtu atë që ai e quajti pikëpamjen “orientaliste” të disa liderëve të opozitës turke, të cilët e shohin Lindjen e Mesme si një “kënetë” në vend që të njohin mundësitë për angazhim konstruktiv. /tesheshi.com/
