Presidenti turk Erdogan tha të enjten se referendumi i pavarësisë kurde të Irakut nuk kishte legjitimitet dhe se Rusia e Turqia ranë dakord se integriteti territorial i Irakut dhe Sirisë fqinjë duhet të ruhet.
Në një deklaratë të shkurtër pas bisedimeve me presidentin Putin, Erdogan tha gjithashtu se qeveria rajonale kurde në Irakun e veriut duhet të pengohet nga përshkallëzimi në “gabime më të mëdha”.
Erdogan tha se Turqia do të vazhdojë të bashkëpunojë ngushtë me Rusinë për një zgjidhje politike në Siri.
Presidenti rus nga ana e tij tha se kushtet e nevojshme de facto për t’i dhënë fund luftë civile të Sirisë janë arritur.
Komentet e Putinit, të cilat pasuan bisedimet me homologun Erdogan në Ankara, vijnë pasi Rusia, Turqia dhe Irani bashkëpunojnë për të ruajtur zonat de-eskaluese në Siri. /tesheshi.com/
