Presidenti turk Rexhep Tajip Erdogan tha të premten se Ankara zyrtare mund të zgjerojë operacionet ushtarake në veriperëndim të Sirisë dhe në lindje, deri në kufi me Irakun, thonë agjensitë.
Duke folur për krerët provincialë të partisë së tij për Drejtësi dhe Zhvillim, ai tha se ushtria turke do të “vazhdojë në lindje, duke përfshirë qytetin e Manbij”, njoftoi agjensia Reuters.
“Operacioni ‘Dega e Ullirit’ do të zgjasë derisa të arrijë qëllimet e tij. Ne do ta pastrojmë qytetin Manbij nga terroristët dhe lufta jonë do të zgjasë derisa të mos mbetet asnjë terrorist në kufirin tonë me Irakun”, tha udhëheqësi turk.
Turqia filloi të shtunën një operacion “Dega e ullirit”, dhe ndërmori sulme ajrore mbi grupet mbështetëse YPD, e cila mbështet nga SHBA, dhe të cilën Ankaraja e konsideron si një krah i zgjeruar i Partisë së Punëtorëve të Kurdistanit, të cilën e konsideron si organizatë terroriste.
Njoftimi i një ofensive kundër Manbij ka shkaktuar shqetësim për shkak të faktit se në këtë qytet ka forca amerikane të cilat mbështesin njësitë kurde në luftën kundër ISIS-it.
Kombet e Bashkuara thonë se në ditët e fundit janë zhvendosur mbi 5,000 njerëz për shkak të konfliktit në këtë rajon. /tesheshi.com/
