DAESH është “thikë në gjoksin e myslimanëve”, ka thënë presidenti turk Recep Tayyip Erdogan të martën, pas një serie sulmesh të kryera në Arabinë Saudite, për të cilat fajësohet grupi terrorist.
Gjatë një fjalimi në një ceremoni rasti, të mbajtur në Stamboll për hir të përfundimit të muajit të shenjtë të Ramazanit, Erdogan tha se faturën për sulmet terroriste të kryera nga DAESH dhe PKK po e paguajnë vetë myslimanët me gjakun e tyre.
“Kjo organizatë e quajtur DAESH është thikë në gjoksin e myslimanëve. Cilido që mbështet këtë organizatë përmes fanatizmit sektarian apo çfarëdo motivi tjetër, bëhet partner në të njëjtin mëkat”, tha ai
Të hënën, një kamikaz ka pasur për cak të sulmeve qytetet saudite të Medinës, Qatif dhe Jeddah. Në Medinë, katër zyrtarë sigurie kanë humbur jetën afër xhamisë së profetit, ku ndodhet edhe vendi ku është varrosur profeti Muhamed.
Daesh është një akronim për shprehjen arabe al-Devle al-Islamiya al-Irak al-Sham (Shtetit Islamik i Irakut dhe Levanit). /tesheshi.com/
