“Perëndimi po eksporton elementet më të këqija në vendet islame në një përpjekje për të siguruar të ardhmen e vet”, tha së fundi presidenti turk Rexhep Tajip Erdogan. Sipas tij, Perëndim po braktis dalëngadalë vlerat e veta.
“Mosreagimi ndaj dhunës që po ndodh në Siri për shtatë vjet, trajtimi çnjerëzor i refugjatëve nëpët portat kufitare dhe gjenocidi ndaj popullatës Rohingia, ka zbuluar fytyrën e vërtetë të Perëndimit”, tha Erdogan njofton agjencia Anadolu.
“Islamofobia, neo-nazizmi dhe racizmi po fillojnë të zëvendësojnë gjithnjë e më shumë vlera të tilla si demokracia, të drejtat dhe liritë e njeriut në Perëndim”, shtoi ai.
“Perëndimi ka eksportuar të gjitha llojet e elementeve më të sëmura në vendet islame, në një përpjekje për të siguruar të ardhmen e saj”, tha kreu i shtetit turk. Ai përmendi në mënyrë specifike Shtetin Islamik (IS, ish ISIS / ISIL), Al-Kaidën, Boko Haram, YPG kurd dhe mbështetësit e klerikut të Turqisë në mërgim, Fetullah Gullen, të cilin Ankaraja e fajëson për një përpjekje të dështuar të grusht-shtetit, duke shtuar se “këto grupe e transformuan gjithë rajonin tonë në një kasaphanë të vërtetë.”
Erdogan paralajmëroi se “po realizohet një skenar për ndarjen e botës islame, muslimanëve, për shkatërrimin e vlerave të tyre dhe, më e rrezikshmja, për të ardhmen e tyre”. Dhe bota islame, sipas Erdogan, po kalon nëpër një periudhë të vështirësive viteve të fundit.
Pavarësisht se është anëtare e NATO-s dhe aleat i fortë i Perëndimit për dekada, Turqia ka pasur marrëdhënie të tensionuara me SHBA dhe BE në vitet e fundit. Ndër një mori çështjesh, përçarja me Uashingtonin karakterizohet kryesisht nga mosekstradimi i Gylenit në Turqi, si dhe për mbështetjen e aluduar amerikane ndaj YPG-së kurde, të cilën Ankaraja e konsideron si një zgjatim të Partisë së Punëtorëve të Kurdistanit (PKK).
Javën e kaluar, Turqia fajësoi NATO-n për njollosjen e udhëheqësve të saj, në të kaluarën dhe të tashmen, dhe tërhoqi trupat e saj nga stërvitjet në Norvegji, pasi themeluesi i Turqisë, Mustafa Kemal Ataturk dhe Erdogan u shndërruan në një pikë qitjeje gjatë një manovre ushtarake. NATO kërkoi falje për incidentin, duke fajësuar një kontraktor civil norvegjez, i cili u shkarkua për gjestet e tij anti-turke. /tesheshi.com/
