Një pistë e re u hap në aeroportin ndërkombëtar “Sabiha Gökçen” të Stambollit sot, më 25 dhjetor.
Prezent ishte dhe Presidenti Erdogan, i cili foli në ceremoninë e hapjes, i cili tha se “hapja e sotme e pistës së re në aeroportin tonë, e cila do të dyfishojë kapacitetin e trafikut ajror, dua që të jetë e bekuar për Stambollin tonë”.
https://twitter.com/i/broadcasts/1mnxepZaoDEJX
“Aeroporti Sabiha Gökçen luan një rol jashtëzakonisht kyç në zhvillimin e tregut të biznesit dhe turizmit në Turqi.
Kemi parë që me kalimin e kohës aeroporti ka pasur vështirësi në përballimin e rritjes së trafikut ajror dhe pasagjerësh.
Prandaj, së pari, në vitin 2009, përfunduam ndërtimin e një godine të re terminali duke përdorur modelin ‘build-finance-go’.
Në vitin 2012, në përputhje me rritjen e sektorit dhe planet e zhvillimit të aeroportit, vendosëm të ndërtonim një pistë të dytë që duhej.
Më pas filluam punën dhe përfunduam pistën e dytë dhe punimet përkatëse me një investim total prej 970 milionë dollarësh.
Gjatësia e pistës sonë të re, e cila do të dyfishojë kapacitetin e aeroportit, është 3,540 metra.
Për të arritur kapacitetin maksimal të trafikut ajror, ne do të përdorim pistën e re për ulje, ndërsa pistën e vjetër do të përdoret për ngritje.
Me pistën e re, aeroporti ndërkombëtar ‘Sabiha Gökçen’ do të ketë kapacitetin për të pritur më shumë se 85 milionë pasagjerë në vit.
Përgëzoj Ministrinë, institucionet tona, kompanitë kontraktore, inxhinierët dhe të gjithë ata që kontribuan në ndërtimin e kësaj infrastrukture të mrekullueshme në vendin tonë”, tha Recep Tayyip Erdogan.
