Presidenti turk Tayyip Erdogan është shprehur sot për Belgjikën se është qendër e rëndësishme e përkrahësve të Partisë së jashtëligjshme të Punëtorëve Kurdistian (PKK) dhe klerikut Fethullah Gulen, për të cilin Ankaraja thotë se e ka orkestruar puçin e dështuar në korrik.
Duke folur para gazetarëve në Ankara para se ta niset për vizitë në Pakistan, Erdogani u shpreh se ka prezantuar dëshmi zyrtarëve gjermanë se një organizatë në Gjermani po mblidhte para për militantët e PKK-së.
PKK, e cila ka kryer një kryengritje të armatosur tridhjetëvjeçare në juglindje të Turqisë kryesisht kurde, konsiderohet organizatë terroriste nga Evropa, SHBA-ja dhe Turqia.
Por, Ankaraja ankohet se aleatët e saj perëndimorë s’po bëjnë mjaft për ta luftuar atë./tesheshi.com/
