Kafeneja e parë e qytetit, e cila u hap në vitin 1882 me emrin “Abu Kahveci” në pjesën historike të Erbilit në Irak, e cila punoi deri në vitin 1983, filloi përsëri punën.
Ali Kahveci, nipi i Abu Kahvecit, i njohur si kafeneja e parë në qytetin e Erbilit, rihapi kafenenë e gjyshit të tij që ndodhet në pazarin e Kajserisë në qendër të qytetit.
Kafeneja tërheq vëmendjen e kalimtarëve me dekorimin e saj të brendshëm, si dhe qilimat shumëngjyrëshe të varur në mure, fotot e vjetra të Erbilit dhe fotot që tregojnë kafenenë “Abu Kahveci”.
Ai ruan kujtimin e gjyshit të tij
Kahveci, në një intervistë për Anadoll ka thënë se dëshiron ta ruaj kujtimin e gjyshit të tij.
Ai kujtoi se kafeneja e gjyshit Ebu Kahveci u hap për herë të parë në vitin 1882, ku njerëzit kalonin kohë nga mëngjesi deri në orët e vona të natës.
“Siç më kanë thënë, në atë kohë tavernën e kanë vizituar edhe njerëz nga Erbili dhe rrethina dhe këtu përveç qytetarëve kanë ardhur edhe njerëz të dalluar”, tha Kahveci.
Taverna funksionoi deri në vitin 1983
Duke kujtuar se kafeneja ka qenë e hapur deri në vitin 1983, Kahveci tha se punëtorët duhet të linin punën për të studiuar dhe për këtë arsye taverna ishte mbyllur atëherë.
“Kafja në atë kohë vinte nga Brazili dhe Jemeni. Llojet e kokrrave të kafesë bluheshin më pas në shtëpi dhe u shërbenin mysafirëve në mëngjes,” tha ai.
Ai shtoi se Mam Halili ka punuar edhe me gjyshin e tij, i cili më vonë ka filluar biznesin e tij dhe është pronar i çajtores së njohur të qytetit të sotëm “Mam Halil Tea House”.
Kahveci theksoi se ai rihapi tavernën në pazarin historik të Kajserisë që ishte mbyllur për 39 vjet.
“Aktualisht kemi 20 lloje kafeje, kryesisht të rregullta dhe otomane, dhe marrim kafe nga vende si Brazili dhe Uganda. Kafeja nga Stambolli bluhet në objektin tonë. Më e njohura është kryesisht kafeja e zakonshme,” tha ai.
Mysafirë të rregullt
Mam Neset Abduk Bave, 72 vjeç është një nga vizitorët e rregullt të kafenesë “Abu Kahveci”.
“Kafeneja është në një vend të bukur. Përveç çajit dhe kafesë, ne dikur mund të luanim pingpong. Erdhën njerëz edhe nga qytete të tjera”, tha Bave.
Ai theksoi se është i lumtur për rihapjen e lokalit, duke shtuar se tashmë shumë njerëz vijnë aty për të kaluar momente të këndshme me një pije të nxehtë. /tesheshi.com/
