Alina Pash nuk do të përfaqësojë Ukrainën në Eurovizionin e këtij viti, thanë organizatorët.
Sipas NME, më 12 shkurt, Pash u shpall fituese e “Vidbir”, konkursi ku zgjidhet përfaqësuesja e Ukrainës në Eurovizion, me këngën “Hijet e paraardhësve të harruar” (Tíní zabutih predkív).
Megjithatë, tani televizioni kombëtar UA:PBC e ka anuluar atë vendim, për shkak të hetimit të udhëtimit të Alina Pash në Krime në vitin 2015.
Përkatësisht, në Ukrainë zbatohen rregulla strikte për udhëtimin në Krime, sipas të cilave ukrainasit dhe të huajt lejohen të udhëtojnë atje ekskluzivisht përmes postblloqeve zyrtare shtetërore, dhe me ligj është e ndaluar të udhëtojnë drejt Krimesë përmes Rusisë.
Televizioni kombëtar tani ka të drejtë të zgjedhë një përfaqësues të ri të Ukrainës në Eurovision.
Vetë këngëtarja po mbrohet nga akuzat se është “anti-ukrainase”.
“Unë jam ukrainase, flas ukrainisht dhe kënga ime ka të bëjë me Ukrainën. Sigurisht që nuk jam kundër vendit tim,” tha Pash.
Ajo pretendon se ka dorëzuar dokumente tek autoritetet që vërtetojnë se ka udhëtuar legalisht në Krime. /tesheshi.com/
