Twitter ka pushuar nga puna dhjetëra punëtorë në raundin e tetë të pushimeve nga puna që kur Elon Musk bleu rrjetin social në tetor.
Shkurtimet prekin ekipet inxhinierike, duke përfshirë ato që mirëmbajnë teknologjinë e reklamave, aplikacionin kryesor të Twitter dhe infrastrukturën teknike.
Twitter nuk i është përgjigjur ende kërkesës së Reuters për koment mbi këtë informacion.
Kompania pushoi nga puna rreth 3,700 punëtorë në fillim të nëntorit, si pjesë e masave të shkurtimit të kostove të Musk. Ai e bleu kompaninë për 44 miliardë dollarë.
Informacioni shkruan se qëllimi i raundit të ri të pushimeve nga puna është zbutja e rënies së të ardhurave që kur Elon Musk mori drejtimin e kompanisë. Numri i punonjësve në Twitter ka rënë me rreth 70 për qind që nga tetori dhe tani është rreth 2000.
Musk tha në nëntor se rrjeti social po përjetonte një “rënie të madhe të të ardhurave” pasi reklamuesit u tërhoqën për shkak të dyshimeve në lidhje me cilësinë e redaktimit të përmbajtjes në rrjetin social. /tesheshi.com/
