Ndalimin i trenit serb ka vijuar ta rrisë adrenalinën e Prishtinës zyrtare, e cila deri dje ishte sfiduar turpshëm nga Beogradi, sidomos me krijimin e strukturave paralele në veri, të cilat janë ende të jenë aktive.
E ndërsa Serbia po kërcënon me luftë, presidenti Thaçi thotë se Forca e Sigurisë është e gatshme t’u përgjigjet të gjitha sfidave në tërë territorin e shtetit.
Deklarimi i tipit “burrështetas” i Thaçit u bë pas një takimi që zhvilloi me komandantin e FSK-së, gjenerallejtënant Rrahman Rama, me të cilin biseduan për të arriturat e kësaj force dhe ngritjen e kapaciteteve të saj për t’iu përgjigjur nevojave në garantimin e sigurisë së të gjithë qytetarëve.
Ushtaraku u lartë kosovar, gjeneral Rama, tha nga ana e tij se FSK është trajnuar sipas standardeve më të larta të NATO-s dhe është e gatshme që të jetë ushtri e vërtetë.
Sakaq, presidenti serb Nikoliq, ka kërcënuar sërish më dergim trupash në Kosovë. “Ky nuk është mendimi im personal, ky është qëndrim i shtetit!”, ka sqaruar ai, ndërkohë që nga opinioni serb janë shfaqur dhe zëra të fuqishëm kundërshtues që kërkojnë të jetojnë në paqe me fqnjiët. /tesheshi.com/
