Në situatën e një trazimi gjeopolitik të Ballkanit, si pasojë e lëvizjes nga rusët, NATO ka ndërmarrë masa që të vërë në alert të gjithë forcat e saj në Europës e specifikisht në Ballkan.
Vendi ku NATO ka bazat dhe përqendrimin më të madh të trupave është Kosova.
Javën tjetër do të vizitojë Kosovën gjenerali amerikan me katër yje, Philip Breedlove, i cili është komandanti Suprem i Forcave aleate në Europë. Që nga Koha e Wesly Clark, kur drejtoi operacionet për çlirimin e Kosovës, kanë qenë shumë të rralla vizitat e eprorëve kaq të lartë dhe janë bërë vetëm në raste të veçanta.
Siç bën të ditur zyra e shtypit e NATO-s, Komandanti Suprem i Forcave Aleate për Evropë, Gjeneralin Philip Breedlove,të enjten më 4 shkurt, do të shpallë në Prishtinë para mediave strategjinë e re të Aleancës në rajon.
Ka prej kohësh kur Ballkani ka hyrë në një axhendë trazimesh që kanë sjellë si rezultat një garë armatimesh, kryesisht nga ana e Serbisë, e cila do të furnizohet prej Moskës me një mori sistemesh raketore strategjike, kurse Kroacia ka porositur sisteme raketore të prodhimit amerikan, me reze të mesme veprimi të tipit ofensiv.
Ç’po ndodh realisht në Ballkan? Pse po vjen kryekomandanti i NATOS në Prishtinë javën tjetër?!
Në fakt, në Kosovë NATO, përkatësisht ushtria amerikane, ka bazën më të madhe në rajon që ndodhet pranë Ferizajt, ajo e Bondsteel-it. Kjo bazë, përveçse ajrore, ku gjenden avionë gjuajtës e bombardues, kryesisht është e furnizuar me helikopterë Apache që përdoren për sulme të shpejta dhe në ndihmë të këmbësorisë, por dhe kundër mjeteve të motorizuara armike.
Në Bondsteel kohët e fundit është zgjeruar shumë baza e armatimit dhe e municionit dhe është ngushtuar pjesa që mund të shikohet për publikun.
Sipas të dhënave që vijnë nga agjenci të specialuizuara: Maqedonia, por edhe Presheva mund të jenë vatra të nxehta dhe të mundshme për destabilizim. Dhe të dyja janë ngjitur me Kosovën…/tesheshi.com/
