Morali i ri, Rama: Me PD-në, për pasuesin e Ilir Metës në Presidencë

Kryeministri Rama, njëherësh kreu i mazhorancës socialiste me të tretin mandat në radhë të fituar, në emër të erës së re të bashkëpunimit me PD-në, tha se emri që duhet ta pasojë Metën gati për t’u shkarkuar, duhet konsultuar pikërisht me këtë forcë,

“Me Ilir Metën dhe partinë e tij nuk ka dhe nuk mund të ketë asnjë bashkëpunim. Ilir Meta duhet shkarkuar si një personifikim i anti-shtetit i ndëshkuar nga shqiptarët më 25 prill, një personash grotesk që turpëron Shqipërinë me praninë  e tij në krye të shtetit.

Shkarkimi i Ilir Metës nuk është i gjithi në dorën tonë, por ne do të bëjmë gjithçka që kemi në dorë për të çminuar institucionin e Presidenti të Republikës duke votuar në bllok shkarkimin e tij dhe  se ky shkarkim nuk ka lidhje me asgjë tjetër përveç pozicionit tonë publik krah anës dërrmues të popullit që nuk duan ta shohin më atë si President. N

e nuk kemi ende një emër zëvendësues por do të konsultohemi me PD-në për emrin e presidentit të ri”, tha Rama gjatë takimit që zhvilloi me deputetët e PS në Pallatin e Brigadave. /tesheshi.com/