Ministria e Mbrojtjes e Ukrainës thotë se elita ruse po shqyrton vrasjen e presidentit rus Vladimir Putin.
“Helmim, sëmundje e papritur, aksident – elita ruse po shqyrton mundësinë e largimit të Putinit”, thuhet në një postim në faqen e Facebook të Ministrisë së Mbrojtjes së Ukrainës, ku informacioni dyshohet se ka ardhur nga pala ruse.
Ukraina deklaron se pas gjithë kësaj qëndron një grup njerëzish me ndikim që janë në opozitë me Putinin. Bëhet fjalë, thonë ata, për elitën politike dhe të biznesit.
“Qëllimi i tyre është të largojnë Putinin nga pushteti sa më shpejt të jetë e mundur dhe të vendosin lidhje ekonomike me Perëndimin, të cilat u shkatërruan nga lufta”.
Sipas ukrainasve, ata e shohin kreun e FSB-së, Alexander Bortnikov, si pasues të Putinit.
“Është e rëndësishme që vetë Bortnikov kohët e fundit ra në disfavorin e Putinit. Arsyeja zyrtare e rënies së tij është vlerësimi fatal i luftës në Ukrainë,” tha ministria ukrainase.
Bortnikov dhe departamenti i tij, sipas njoftimit, ishin përgjegjës për analizimin e situatës mes njerëzve në Ukrainë, si dhe vlerësimin e kapaciteteve të ushtrisë ukrainase.
Ministria ukrainase thekson më tej se Bortnikov dhe disa përfaqësues me ndikim të elitës ruse po shqyrtojnë opsione të ndryshme se si ta largojnë Putinin nga pushteti.
Gjithsesi, këto mund të jenë dhe diversione të cilat një luftë i ka me shumicë.
Për momentin, shpresa e vetme që bota të shpëtojë nga një luftë shkatërrimtare me protagonist Putinin, do ishte një gjëmë në jetën e tij, politike ose fizike. Por jo duket shumë utopike për momentin, gjë që mund të haset në skenar filmash por me probabilitet të vogël në realitet. /tesheshi.com/
