Martin Arevalo, një gazetar argjentinas, i cili i zbuloi të gjithë botës dy javë më parë se Leo Messi i kërkoi Barcelonës ta linte të lirë, tronditi përsëri botën e futbollit me një lajm nga saga e “pleshtit”.
Siç njoftoi mbrëmë, Leo tani po mendon të qëndrojë në Barça deri në verën e ardhshme dhe më pas të largohet nga klubi pasi skadon kontrata e tij – pa kompensim.
Arevalo thotë se Messi duhet të shpallë vendimin sot.
Supozohet se, shkruan Arevalo, drejtuesit e Barçës fjalë për fjalë po i luten Messit që të mos largohet, dhe e njëjta histori u botua nga gazetari i Fox Sports, Marcelo Sotille.
“Kthimi” i ri në telenovelën më aktuale të futbollit erdhi pas takimit të djeshëm ku morën pjesë babai dhe vëllai i Messit – Jorge dhe Rodrigo Messi, avokati i tij Jorge Pecourt dhe, nga ana tjetër, presidenti i klubit katalanas Josepe Marie Bartomeu dhe drejtori i klubit Javier Bordas.
Ai, thuhet se i tha Bartomeut se Barça nuk mund të imagjinojë një të ardhme pa Messin, dhe ata po i ofrojnë atij një zgjatje të kontratës për dy vjet të tjera. /tesheshi.com/
