Mbështetësit e ish-presidentit të ekstremit të djathtë të Brazilit Jair Bolsonaro sulmuan Kongresin, Pallatin Presidencial dhe Gjykatën e Lartë në kryeqytetin brazilian të dielën, në një kujtim të zymtë të pushtimit të Capitol-it të SHBA nga mbështetësit e Donald Trump dy vjet më parë.
Pas disa orësh, policia ka rifituar kontrollin e godinave. Mbi 400 persona u arrestuan.
https://twitter.com/i/status/1612209378030919680
Presidenti i majtë Luiz Inacio Lula da Silva, i cili mundi Bolsonaron në zgjedhjet e tetorit, njoftoi një “ndërhyrje federale të sigurisë” në Brasilia që do të zgjasë deri më 31 janar, pasi protestuesit arritën të mposhtin forcat e sigurisë. Rreth tre orë pas raporteve fillestare për inkursionin e protestuesve, forcat e sigurisë arritën të rimarrin tre nga ndërtesat më të rëndësishme të kryeqytetit.
Lula, i cili u inaugurua më 1 janar, fajësoi Bolsonaron për ndezjen e mbështetësve të tij pas një fushate me akuza të pabazuara për mashtrime të mundshme zgjedhore pas përfundimit të sundimit të tij të shënuar nga populizmi nacionalist.
Aleatët e presidentit ngritën gjithashtu pyetje se si forcat e sigurisë në kryeqytetin brazilian ishin kaq të papërgatitur dhe kaq lehtë të mposhtur nga banditë që kaluan ditë të tëra duke njoftuar demonstratat e fundjavës në mediat sociale.https://twitter.com/i/status/1612162776377724928
“Ata vandalë, të cilët mund t’i quajmë fashistë fanatikë, bënë diçka që nuk është bërë kurrë në historinë e këtij vendi,” tha Lula në një konferencë për shtyp gjatë një udhëtimi zyrtar në shtetin e Sao Paulos.
Të gjithë ata që e bënë këtë “do të gjenden dhe do të ndëshkohen”, tha ai.
Mbështetësit e Bolsonaros lanë një gjurmë shkatërrimi pas tyre, duke hedhur mobilje nëpër dritaret e thyera të Pallatit Presidencial, duke përmbytur pjesë të Kongresit me sisteme të shuarjes së zjarrit dhe duke shkatërruar dhomat ceremoniale në Gjykatën e Lartë. /tesheshi.com/
