Kreu demokrat Basha pati si epilog të vizitës së tij dyditore në Kosovë, marrjen e një dhuratë te veçantë, e cila iu bë në Kullën e Isa Boletinit në Mitrovicë. Ishte pasaardhësi Bacës Isë, Gazmend Boletini, që i dhuroi Bashës një flamur të heroit.
“Ky flamur është ngritur më 30 qershor 1912 në Vesekofc, në fshatin e Bajgorës, aty ka filluar kryengritja e përgjithshme, çlirimi i Shkupit deri në Vlorë. Shqiponja është origjinale e kohës. Duke falenderuar Forcën e Sigurisë së Kosovës, Ministrinë e Mbrojtjes, që ka bërë disa kopje, një nga ata do ta trashëgosh ti inshallah…Ta vazhdosh rrugën e rilindasve…”, tha dhuruesi i flamurit.
“Ky është bekim hyjnor edhe atdhetar! Faleminderit!”, tha Basha nën emocione të forta. /tesheshi.com/
