Zv.kryetari i PDK-së, njëherësh ministri në detyrë i Punëve të Jashtme Enver Hoxhaj, shprehet i bindur se vendi nuk do të futet në krizë politike sepse thotë se koalicioi PAN i ka numrat e domosdoshëm për krijimin e institucioneve të reja dhe kjo sipas tij do të ndodh javën e ardhshme.
Hoxhaj thotë se PDK-ja nuk ka vija të kuqe për asnjërën nga subjektet politike, madje u ka bërë thirrje të gjithave që të krijojnë një konsensus politik rreth disa temave të mëdha, siç janë Demarkacioni apo krijimi i ushtrisë.
Ai në një intervistë për gazetën “Zëri” ka folur edhe për gjendjen në partinë e tij, me ç’rast ka treguar se PDK ka analizuar me seriozitet rezultatet e zgjedhjeve të 11 qershorit, duke garantuar votuesin e tyre se ky rezultat do të jetë vetëm episodik. /tesheshi.com/
